Samsung Xitoy bozori uchun alohida flagmanlarini taqdim etish an’anasini davom ettirdi — W seriyasining navbatdagi vakili W26 namoyish etildi. Bu model, asosan, Galaxy Z Fold 7’ning mahalliy, premium-keysga solingan varianti sifatida pozitsiyalanadi.
Texnik jihatdan katta farq yo‘q: gadjetda tashqi 6,5 dyuymli va ichki 8 dyuymli displeylar saqlangan, Galaxy uchun Snapdragon 8 Elite platformasi qo‘llangan. Batareya ham tanish — 4400 mA/soat, og‘irlik ko‘rsatkichlari esa deyarli o‘zgarmagan.
Eng ko‘zga ko‘rinadigan yangilik — dizayn. W26 oltin rangli ramka va kamera bloki atrofidagi shunday hoshiyalar bilan bezatildi. Bu detallar qurilmani vizual jihatdan yanada hashamatli va eksklyuziv qilib ko‘rsatadi.
Qisqacha aytganda, W26 — funksional jihatdan Z Fold 7, ammo Xitoy auditoriyasi uchun “lyuks” taomilida ishlangan qiyofa va WDNA ruhi mavjud ixcham premium versiya.
