Chrome brauzeri matnni ovozli o‘qish funksiyasini ishga tushirdi
Google Chrome veb-sahifalar, maqolalar, yangiliklar va PDF hujjatlardagi matnni ovozli o‘qib berish funksiyasini ishga tushirdi. O‘qish jarayonida so‘zlar ajratib ko‘rsatiladi, foydalanuvchilar esa ovoz, balandlik va o‘qish tezligini sozlashi mumkin. Brauzerda ekranni bo‘lish imkoniyati ham paydo bo‘lib, ikki sahifani bir oynada ko‘rish mumkin.
Google Chrome brauzeri veb-sahifalardagi matnni ovozli o‘qib berish funksiyasini yo‘lga qo‘ydi. Bu orqali foydalanuvchilar maqola, yangilik yoki PDF hujjatlarni tinglab borishi, sahifadagi so‘zlar esa o‘qilish jarayonida ajratib ko‘rsatilishi mumkin.
Funksiyadan foydalanish uchun sahifada sichqonchaning o‘ng tugmasini bosib, “O‘qish rejimida ochish” bo‘limini tanlash kifoya. Shundan so‘ng ovoz berish, ovoz balandligi, o‘qish tezligi kabi sozlamalarni o‘zgartirish imkoniyati mavjud.
Chrome shuningdek ekranni bo‘lish funksiyasini ham taqdim etdi. Endi ikki sahifani bir vaqtning o‘zida, bir oynada ko‘rish mumkin. Bu imkoniyat video tomosha qilish, taqqoslash yoki bir necha material bilan bir paytda ishlashni ancha osonlashtiradi.
Izohlar 0
…