Smartfon bozoridagi raqobat tobora shiddatlashar ekan, Huawei va Samsung‘dan keyin navbat Xiaomi’ga keldi. Taniqli brend endi o‘zining ilk uch buklanadigan super-qurilmasi bilan sahnaga chiqmoqda. Bu haqda XiaomiTime blogi orqali ma’lum qilindi va texnoolamda yana bir qizniqarli intriga paydo bo‘ldi.
Ma’lumotlarga qaraganda, GSMA ma’lumotlar bazasida 2608BPX34C kodi ostida noma’lum Xiaomi gadjeti ro‘yxatdan o‘tgan. Insayderlar bu raqamning tasodif emasligini, aynan uch nuqtada buklanadigan navi smartfonning yashirin identifikatori ekanini ta’kidlashmoqda.
Qizig‘i shundaki, mazkur qurilma GSMA bazasida 2 dekabr kuni paydo bo‘ldi — aynan mana shu sanada Samsung o‘zining Galaxy Z TriFold modelini namoyish etgan edi. Bu holat texnoblogerlar orasida “Xiaomi ham javob zarbasiga tayyorlandi”, degan fikrlarni kuchaytirdi.
Yangi smartfonning ehtimoliy nomi ham ma’lum: MIX Trifold. Insayderlarga ko‘ra, u qattiq hamda mustahkam korpusga ega bo‘lib, Snapdragon 8 Elite protsessorida ishlashi kutilmoqda. Demak, qurilma faqat dizayn emas, balki unsurlar jihatidan ham premium segmentga tegishli bo‘ladi.
Aytilganlarga ko‘ra, Xiaomi MIX Trifold 2026-yilning uchinchi choragida rasman sotuvga chiqadi. Raqobat jiddiy: Samsung o‘zining uch buklanadigan modelini bergan bo‘lsa, Huawei ham bu yo‘nalishda tajriba o‘tkazmoqda. Endi esa bozorga yana bir kuchli raqib qo‘shilmoqda.
Texnoolamdagi tarmoqlar bu gadjetni “kelayotgan ulkan trend” deb baholamoqda. Agar insayderlar ma’lumoti tasdiqlansa, Xiaomi o‘zining innovatsion yo‘nalishini yana bir marta isbotlaydigan bo‘ladi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
