Nokia 3’ning xususiyatlari internetga chiqib ketdi

2017 ko‘rgazmasida HMD Global kompaniyasi flagman Nokia 8 emas, balki ikkita hamyonbop smartfon – Nokia 3 va Nokia 5 modellarini taqdim etar ekan. Shuningdek, afsonaviy Nokia 3310 telefonining yangilangan zamonaviy talqini ham namoyish etiladi, deb yozadi Terabayt sayti.

Ammo, sizib chiqqan xabarlar tufayli, ikkita yangi smartfondan «kichkintoy»i – Nokia 3 modelining xususiyatlari haqidagi batafsil ma’lumotlar oshkor bo‘lib ulgurdi. Kutilganidek, bu boshlang‘ich darajadagi «o‘zak»ka ega qurilma bo‘ladi.

Insayderlar bergan ma’lumotlarga ko‘ra, Nokia 3 telefonining 5,2 yoki 5,3 dyuymli displeyi 1280x720 pikselli bo‘ladi. Unga 1,4 GGs chastotada ishlovchi to‘rt yadroli Snapdragon 425 prosessori hamda Adreno 308 grafik tezlatgichi o‘rnatilgan. Tezkor xotirasi 2 GB, ichki doimiy xotirasi esa 16 GB hajmli. Asosiy kamerasi 13, old kamerasi esa 5 megapiksellli.

Shuningdek, Nokia 3 smartfonining narxi 149 evro bo‘lishi ham xabar qilinmoqda. Nokia’ning ushbu va boshqa qurilmalari taqdimoti 26 fevral kuni bo‘lib o‘tadi. “Zamin”ni Telegramʻda oʻqing!