Sandfall Interactive’ning rolli o‘yini Clair Obscur: Expedition 33 jamoa va tanqidchilar orasidagi shov-shuvni mustahkamlashda davom etmoqda. Loyiha turli marosimlarda, jumladan The Game Awards va Golden Joystick Awards’da e’tirof etilib, endi global reytinglarda ham muhim natijaga yaqinlashdi. Bu haqda playground.ru xabar beradi.
Xalqaro mukofotlar bo‘yicha jamlangan ma’lumotlarga ko‘ra, o‘yin yil boshidan buyon “Yil o‘yini” yo‘nalishida 332 ta sovrinni qo‘lga kiritgan. Bu ko‘rsatkich uni tarixiy ro‘yxatda ikkinchi pog‘onaga olib chiqdi va 2020 yilda 326 ta mukofot olgan The Last of Us Part 2 natijasidan ham yuqoriga ko‘tardi.
Hozircha birinchi o‘rinda faqat Elden Ring qolmoqda: FromSoftware asari 2022 yilda 435 ta “Yil o‘yini” mukofotini jamg‘argan. Shunday qilib, Clair Obscur rekordchidan 103 ta sovrin ortda — bu esa peshqadamlik uchun raqobat naqadar keskinligini ko‘rsatadi.
Shu bilan birga, internetdagi muhokamalarda ayrim foydalanuvchilar mukofotlar tizimi va baholash mezonlari borasida shubha va e’tirozlarini ham yashirmayapti. Ularning fikricha, ayrim marosimlarda janr va umumiy sifat bo‘yicha xolis baho har doim ham sezilmaydi.
Boshqa tomondan, ko‘pchilik Clair Obscur: Expedition 33’ni avlodning eng yorqin hodisalaridan biri sifatida olqishlamoqda. Ishqibozlar fransuz jamoa “o‘n yilda bir keladigan” darajadagi o‘yin yaratganini, u uzoq vaqt xotirada qoladigan asar ekanini ta’kidlashmoqda.
“Zamin”ni Telegramʻda oʻqing!
