AQSh Mudofaa vazirligi va Anthropic kompaniyasi o'rtasidagi kelishmovchiliklarga qaramay, Microsoft, Google va Amazon texnologiya gigantlari Claude sun'iy intellekt modelidan foydalanish imkoniyati saqlanib qolishini ma'lum qildi. Avvalroq Pentagon Anthropic kompaniyasini harbiy texnologiyalarga cheksiz kirish huquqini bermagani uchun ta'minot zanjiri xavfi deb e'lon qilgan edi. Kompaniya o'z modellari ommaviy kuzatuv yoki avtonom qurollar uchun xavfsiz emasligini ta'kidlab, harbiy talablarni rad etgan. Bu haqda habr.com xabar beradi.
Ushbu vaziyatga qaramay, yirik bulutli platformalar cheklovlar faqat mudofaa sohasidagi shartnomalarga tegishli ekanligini tasdiqladi. Microsoft o'zining huquqiy tekshiruvidan so'ng, Claude modeli Microsoft 365, GitHub va AI Foundry xizmatlarida tijorat hamda fuqarolik loyihalari uchun ochiq qolishini bildirdi. Google va Amazon ham o'z mijozlari uchun xuddi shunday yondashuvni qo'llashini ma'lum qildi.
Anthropic bosh direktori Dario Amodei Pentagon qarori faqat harbiy shartnomalar doirasidagi hamkorlikka taalluqli ekanini va kompaniya sud orqali o'z huquqlarini himoya qilish niyatida ekanini aytdi. Mutaxassislarning fikricha, ushbu holat AQShdagi sun'iy intellekt startaplari uchun yangi huquqiy pretsedent yaratishi mumkin. Hozirgi vaqtda Claude modeli biznes va oddiy foydalanuvchilar orasida ommaviylashishda davom etmoqda va mudofaa sohasidagi cheklovlar uning umumiy bozor faoliyatiga jiddiy ta'sir ko'rsatgani yo'q.
“Zamin”ni Telegramʻda oʻqing!
