Google Play do'koni foydalanuvchilarning smartfonlari quvvatini tez tugatib qo'yadigan ilovalarni aniqlash bo'yicha yangi funksiyani ishga tushirdi. 2026 yil 1 mart sanasidan boshlab kompaniya bunday dasturlarni maxsus belgilar bilan ajratib ko'rsatishni boshladi. Mazkur jarayon bir necha hafta davomida bosqichma bosqich amalga oshiriladi. Bu haqda rozetked.me xabar beradi.
Endilikda foydalanuvchilar muammoli ilovalar sahifasiga kirganda, ushbu dastur fon rejimida yuqori faollik ko'rsatayotgani va batareyani kutilganidan ko'proq sarflayotgani haqida ogohlantirishni ko'rishadi. Tizim Android Vitals ko'rsatkichlari asosida ishlaydi va qurilmani ortiqcha uyg'otadigan dasturlarni avtomatik tarzda aniqlaydi.
Ushbu yangilik nafaqat ogohlantirish bilan cheklanib qolmaydi. Batareyani haddan tashqari ko'p sarflaydigan ilovalar Google Play tavsiyalaridan va boshqa targ'ibot bo'limlaridan chiqarib tashlanadi. Biroq musiqa pleyerlari, navigatsiya yoki foydalanuvchi tomonidan maxsus ruxsat berilgan fon jarayonlari uchun istisnolar mavjud. Bu choralar smartfonlar ishlash muddatini uzaytirish va foydalanuvchilar tajribasini yaxshilashga qaratilgan.
“Zamin”ni Telegramʻda oʻqing!
