Intel yaroqsiz protsessorlarni sotish orqali daromadini 13,6 mlrd dollarga yetkazdi
"Intel" kompaniyasi joriy yilning birinchi choragida nuqsonli protsessorlarni qayta ishlab sotish orqali o‘z daromadini 13,6 milliard dollarga yetkazdi. Kompaniya aslida chiqindiga chiqishi kerak bo‘lgan kristallarning ayrim yadrolarini o‘chirib, ularni o‘rta segment modellari sifatida muvaffaqiyatli bozorga chiqargan. Serverlar va sun’iy intellekt chiplariga bo‘lgan yuqori talab tufayli ushbu strategiya kutilganidan yuqori — 41 foizlik marjani ta’minladi.
"Intel" kompaniyasi joriy yilning birinchi choragida moliyaviy ko'rsatkichlarini kutilmagan usul bilan yaxshilab oldi. Kompaniya nafaqat talabning ortishi, balki aslida chiqindiga chiqishi kerak bo'lgan nuqsonli protsessorlarni sotish orqali ham daromad ko'rgan. Bu haqda Ixbt.com xabar beradi.
Tahlilchi Ben Bayarinning ma'lumotlariga ko'ra, kremniy plastinalarining chetlaridan olingan va nuqsoni bor kristallar flagman modellar talabiga javob bermagan. Kompaniya bunday chiplarning bir qism yadrolarini o'chirib, ularni o'rta segment protsessorlari sifatida muvaffaqiyatli sotuvga chiqargan.
Serverlar va sun'iy intellekt infratuzilmasi uchun chiplarga bo'lgan yuqori talab sharoitida "Intel" ilgari tijoriy qiymatga ega bo'lmagan kristallarni ham pullashga erishdi. Natijada kompaniyaning choraklik tushumi 13,6 mlrd dollarga yetdi, marja esa kutilganidan yuqori bo'lib, 41 foizni tashkil etdi.
Izohlar 0
…