OnePlus Nord CE6 Lite smartfoni 7000 mAch sig'imli batareya bilan sotuvga chiqadi

22:53 / 27.04.2026·93·Texno

Qisqacha

OnePlus kompaniyasi Hindistonda yangi "Nord CE6 Lite" smartfonini 7 may kuni taqdim etishini e'lon qildi. Ushbu qurilmaning eng muhim xususiyati 7000 mAh sig'imli batareyasi bo'lib, bu uzoq muddatli avtonomlikni ta'minlaydi. Smartfon MediaTek Dimensity 7400 protsessoriga ega bo'lib, 144 Gertsli ekran va 50 megapikselli kamera bilan jihozlangan. Narxi esa 265 dollar atrofida bo'lishi kutilmoqda.

"OnePlus" kompaniyasi Hindistonda yangi "Nord CE6 Lite" smartfonini 7 may kuni rasman namoyish etishini e'lon qildi. Qurilmaning asosiy texnik xususiyatlari va tashqi ko'rinishi "Amazon India" savdo platformasida e'lon qilindi. Bu haqda Ixbt.com xabar beradi.

Yangi modelning eng muhim jihati uning 7000 mA/soat sig'imli akkumulyatori bo'lib, u uzoq muddatli avtonomlikni ta'minlaydi.

Ishlab chiqaruvchining ma'lumotlariga ko'ra, batareya kamida 6 yil xizmat qilishga mo'ljallangan. Akkumulyator 1600 marta quvvatlash siklidan so'ng ham o'zining dastlabki sig'imining 80 foizini saqlab qoladi.

Bu ko'rsatkich budjet segmentidagi smartfonlar uchun yuqori natija hisoblanadi.

Qurilma "MediaTek Dimensity 7400 Apex" protsessori bazasida ishlaydi va "AnTuTu" testida 1 milliondan ortiq ball to'plagan. Smartfon 144 gersli ekran, 50 megapikselli kamera hamda "Android 16" asosidagi "OxygenOS 16" qobig'i bilan jihozlangan.

Dastlabki ma'lumotlarga ko'ra, "OnePlus Nord CE6 Lite" narxi 265 dollardan oshmaydi.