Yutada butun shtat quvvatini iste'mol qiluvchi Stratos kampusi quriladi
Yuta shtatida sun'iy intellekt texnologiyalari uchun mo'ljallangan "Stratos" ma'lumotlar markazi qurilishi ma'qullandi. Ushbu kampus kelajakda 9 GВт quvvat iste'mol qilishi kutilmoqda, bu Yuta shtatining umumiy energiya ehtiyojiga tengdir. Loyiha "O'Leary Digital" kompaniyasi tomonidan amalga oshirilmoqda va mahalliy hukumat tomonidan misli ko'rilmagan soliq imtiyozlari taqdim etilgan. Majmua yillik 100 million dollar daromad keltirishi va 2,000 ta doimiy ish o'rni yaratishi kutilmoqda.
AQShning Yuta shtatida sun'iy intellekt texnologiyalari uchun mo'ljallangan eng yirik ob'ektlardan biri — "Stratos" ma'lumotlar markazi qurilishi ma'qullandi. Boks-Elder okrugida joylashadigan ushbu kampus kelajakda 9 GVt quvvat iste'mol qilishi kutilmoqda. Bu haqda Ixbt.com xabar beradi.
Bu ko'rsatkich butun Yuta shtatining hozirgi umumiy energiya ehtiyojiga tengdir.
Loyiha ustida investor Kevin O'Liriga tegishli "O'Leary Digital" kompaniyasi ish olib bormoqda. Majmua to'liq avtonom rejimda ishlashi rejalashtirilgan.
Dastlabki bosqichda unga 3 GVt quvvat talab etiladi. Elektr energiyasi bevosita ob'ektning o'zida, shtat shimolidan o'tuvchi yirik gaz magistraliga ulanish orqali ishlab chiqariladi.
Mahalliy hukumat loyiha uchun misli ko'rilmagan soliq imtiyozlarini taqdim etdi. Xususan, energetika solig'i 6 foizdan 0,5 foizga tushirildi, mulk solig'ining 80 foizi esa ishlab chiquvchiga qaytarib beriladi.
Shunga qaramay, majmua okrug byudjetiga yiliga 100 mln dollardan ortiq daromad keltirishi va 2 000 ta doimiy ish o'rni yaratishi aytilmoqda.
Kevin O'Lirining ta'kidlashicha, ushbu loyiha sun'iy intellekt infratuzilmasi uchun global poyganing bir qismidir. Bu AQShning Xitoy tomonidan energetika va ma'lumotlar markazlariga kiritilayotgan keng ko'lamli investitsiyalariga munosib javobi bo'lishi ko'zda tutilgan.
Izohlar 0
…