Emirates samolyotlariga 2 Gbit/s tezlikdagi Starlink tizimi o'rnatiladi
«Starlink» kompaniyasi tarixda ilk bor tijorat samolyotlariga 2 Gbit/s tezlikda internet tizimini o'rnatishni boshladi. Ushbu texnologiya birinchi bo'lib «Emirates» aviakompaniyasining A380 samolyotlarida joriy etilmoqda. Har bir samolyotga uchta «Starlink» antennasi o'rnatilishi natijasida Wi-Fi sifati ming martaga yaxshilanadi va yo'lovchilar 12 kilometr balandlikda ham yuqori tezlikdagi internetdan foydalanish imkoniyatiga ega bo'ladi. 2026 yil davomida ko'plab A380 samolyotlariga ushbu tizim o'rnatilishi rejalashtirilgan.
«Starlink» kompaniyasi tarixda ilk bor tijorat samolyotiga 2 Gbit/s dan yuqori tezlikni ta'minlovchi internet tizimini o'rnatishni boshladi. Bu haqda «Starlink Aviation» rahbari Nik Zeyts ma'lum qildi. Bu haqda Ixbt.com xabar beradi.
Mazkur texnologiya birinchi bo'lib «Emirates» aviakompaniyasining samolyotlarida joriy etilmoqda.
Yangi tizim «Emirates A380» flagman samolyotiga o'rnatildi. Ilgari ushbu havo kemalaridagi internet o'tkazuvchanligi 1 Mbit/s dan past bo'lgan bo'lsa, endilikda har bir samolyotga uchta «Starlink» antennasi o'rnatilishi natijasida Wi-Fi sifati ming marta yaxshilanadi.
Kompaniya vakillarining so'zlariga ko'ra, yo'lovchilar hatto 12 kilometr balandlikda ham uydagidan yaxshiroq internetdan foydalanishlari mumkin bo'ladi.
2026 yil davomida «Starlink» tizimi ko'plab «A380» samolyotlariga tezlashtirilgan tartibda o'rnatilishi rejalashtirilgan. Bu yo'lovchilarga parvoz davomida video striming, onlayn o'yinlar va veb-sahifalarni ko'rish imkoniyatini beradi.
Xizmat barcha toifadagi yo'lovchilar uchun bepul bo'ladi. Kelajakda jonli efirdagi teleko'rsatuvlarni shaxsiy qurilmalar va o'rindiq orqasidagi ekranlar orqali tomosha qilish imkoniyati ham qo'shiladi.
Izohlar 0
…