Boston Dynamics robot-iti qurilish ob'ektlarini qo'riqlashni boshladi
"Boston Dynamics" va "Asylon" kompaniyalari hamkorlikda DroneDog deb nomlangan robot-qo'riqchini taqdim etdi. Ushbu robot, mashhur Spot robotiga asoslangan bo'lib, xavfsizlik tizimi bilan jihozlangan va inson ishtirokisiz ob'ektlarni nazorat qilish imkoniyatiga ega. DroneDog 250 mingdan ortiq avtomatik missiyalarni muvaffaqiyatli bajarib, 240 ming kilometr masofani bosib o'tgan. Uning boshlang'ich narxi 74,5 ming dollar deb belgilangan.
"Boston Dynamics" va "Asylon" kompaniyalari hamkorlikda DroneDog deb nomlangan robotlashtirilgan qo'riqchini namoyish etdi. Ushbu qurilma mashhur to'rt oyoqli Spot roboti asosida yaratilgan bo'lib, maxsus PupPack xavfsizlik tizimi bilan jihozlangan. Bu haqda Ixbt.com xabar beradi.
Yangi qurilma hududlarni kecha-yu kunduz patrullash, qoidabuzarliklarni aniqlash va ob'ektlarni inson ishtirokisiz nazorat qilish imkoniyatiga ega. Robotning quvvati kamayganda, u mustaqil ravishda DogHouse quvvatlantirish stansiyasiga qaytadi.
Ushbu modul robotni noqulay ob-havo sharoitidan himoya qiladi va energiyasini tiklaydi.
DroneDog hozirga qadar real sharoitlarda 250 mingdan ortiq avtomatik missiyalarni muvaffaqiyatli yakunladi va 240 ming kilometrdan ortiq masofani bosib o'tdi. U 20 karra yaqinlashtirish xususiyatiga ega teplovizor, sun'iy intellekt algoritmlari va shifrlangan aloqa tizimi bilan ta'minlangan.
Robot murakkab relyeflarda harakatlanish, zinapoyalardan ko'tarilish va qorong'uda ishlash qobiliyatiga ega. Operatorlar qurilmaga masofadan ulanib, vaziyatni nazorat qilishlari mumkin.
DroneDog robotining boshlang'ich narxi 74,5 ming dollar etib belgilandi.
Izohlar 0
…