Eng qimmat Xiaomi 17T va 17T Pro modellarining narxi va xususiyatlari aniq bo'ldi

Internetda kutilayotgan Xiaomi 17T va 17T Pro smartfonlarining asosiy xususiyatlari hamda narxlari tarqaldi. Fransiyaning Dealabs nashri xabariga ko'ra, yangi qurilmalar may oyida Yevropada taqdim etilishi kutilmoqda. Bu haqda Ixbt.com xabar beradi.

Baza modeli bo'lgan Xiaomi 17T 6,59 dyuymli AMOLED ekran, MediaTek Dimensity 8500 Ultra protsessori va 6500 mA/soat sig'imli akkumulyator bilan jihozlanadi. Qurilma 67 Vt quvvatlanishni qo'llab-quvvatlaydi.

Uning 256 GB xotiraga ega versiyasi 750 yevro narxda sotuvga chiqadi.

Kattaroq va kuchliroq Xiaomi 17T Pro esa 6,83 dyuymli ekran, Dimensity 9500 chipi hamda 7000 mA/soat batareyaga ega bo'ladi. Ushbu model 100 Vt simli va 50 Vt simsiz quvvatlanish imkoniyatini taqdim etadi.

Uning narxi 1000 yevro etib belgilangan.

Ikkala smartfon ham Android 16 operatsion tizimi va HyperOS 3 qobig'ida ishlaydi. Agar ushbu ma'lumotlar tasdiqlansa, 17T seriyasi Xiaomi tarixidagi eng qimmat T-qatoriga aylanadi.

Nodirbek Razzokov

«ZAMIN.UZ» muharriri

+ Zamin.uz saytini Google'ga qo'shing