"Samsung" Galaxy S26 Ultra smartfoni foydalanuvchilari suratga olish jarayonida yangi muammoga duch kelishdi. Focus Enhancer funksiyasi yoqilgan holatda yaqindan olingan suratlar ekrandagi tasvirdan farq qilishi ma'lum bo'ldi. Bu haqda Ixbt.com xabar beradi.
Ba'zi hollarda tasvirning o'ng yoki pastki qismi qirqilib qolmoqda.
"Samsung" kompaniyasi rasmiy forumda ushbu muammo mavjudligini tasdiqladi. Kompaniya vakillarining ta'kidlashicha, xatolik 24 megapikselli rejimda ikki karra zum va Focus Enhancer funksiyasi bir vaqtda ishlaganda yuzaga keladi.
Bu holat ayniqsa makro syomkalarda yaqqol ko'zga tashlanadi.
Hozirda kompaniya mutaxassislari ushbu nuqsonni bartaraf etish ustida ishlamoqda. Xatolik yaqin kunlarda chiqariladigan dasturiy ta'minot yangilanishlaridan birida to'liq tuzatilishi kutilmoqda.
“Zamin”ni Telegramʻda oʻqing!
