Ugreen kompaniyasi Apple texnologiyasiga ega yangi PB603 quvvatlagichini taqdim etdi
Ugreen kompaniyasi Xitoy bozorida Apple smartfonlarida qo'llaniladigan texnologiyaga ega PB603 nomli yangi tashqi akkumulyatorini taqdim etdi. Kir yuvish taxtasini eslatuvchi noodatiy korpusga ega ushbu qurilma 10 000 mA/soat sig'imli batareya va 45 vattli tezkor quvvatlash texnologiyasi bilan jihozlangan. Mazkur xavfsiz batareya elementlari mexanik ta'sirlarga chidamli bo'lib, yonib ketmaydi va avvalgi modellarga qaraganda 166 foizga ko'proq ishlash muddatiga ega.
Ugreen kompaniyasi Xitoy bozorida o‘zining yangi PB603 nomli tashqi akkumulyatorini (powerbank) rasman namoyish etdi. Qurilma 45 vattli tezkor quvvatlash texnologiyasini qo‘llab-quvvatlaydi hamda o‘ziga xos dizayni bilan ajralib turadi. Bu haqda Ixbt.com xabar beradi.
Yangi modelning korpusi noodatiy ko‘rinishga ega bo‘lib, u ko‘proq kir yuvish taxtasini eslatadi. Qurilma ichiga 10 000 mA/soat sig‘imga ega akkumulyator o‘rnatilgan. Ugreen ta’kidlashicha, ushbu batareya elementlari Apple smartfonlarida qo‘llaniladigan texnologiya asosida ishlab chiqarilgan.
Ishlab chiqaruvchining so‘zlariga ko‘ra, mazkur elementlar yuqori xavfsizlik darajasiga ega: ular mexanik ta’sirlarga, jumladan, teshilishlarga chidamli bo‘lib, yonib ketmaydi. Shuningdek, yangi avlod batareyalari avvalgi modellarga nisbatan 166 foizga ko‘proq ishlash muddatiga ega.
Qurilma o‘ziga xos displey bilan jihozlangan bo‘lib, u quvvat qoldig‘i va joriy chiqish quvvatini real vaqt rejimida ko‘rsatib turadi. Shuningdek, quvvatlagichda o‘rnatilgan kabel mavjud. Xitoy bozorida ushbu gadjet 299 yuan, ya’ni taxminan 45 dollar narxida sotuvga chiqarildi.
Izohlar 0
…