Tesla Model X ishlab chiqarishni yakunladi: zavod robotlar uchun qayta jihozlanmoqda
Tesla kompaniyasi o'zining mashhur Model X elektromobili ishlab chiqarilishini rasman to'xtatdi. 5-may kuni Frimontdagi zavod konveyeridan xodimlar tomonidan imzolangan, "granat qizil" rangdagi so'nggi Model X Plaid versiyasi chiqdi. Model S va Model X modellarining umumiy sotuvi 50 000 tani tashkil etgani hamda 2025-yilgi global yetkazib berish ma'lumotlariga ko'ra 1,6 million dona Model 3 va Model Y sotilgani sababli kompaniya strategiyani qayta ko'rib chiqdi.
Tesla kompaniyasi oʻzining mashhur Model X elektromobili ishlab chiqarilishini rasman toʻxtatdi. 5-may kuni Frimontdagi zavod konveyeridan ushbu modelning soʻnggi nusxasi chiqdi. Tesla xodimi Stiv Pennevell ijtimoiy tarmoqlardagi sahifasida maʼlum qilishicha, ushbu soʻnggi avtomobil xodimlar tomonidan imzolangan boʻlib, u eksklyuziv «granat qizil» rangiga boʻyalgan va markaziy konsolida maxsus yozuvli lavhaga ega. Bu haqda Ixbt.com xabar beradi.
Model X Plaid versiyasidagi ushbu kolleksion avtomobil brend tarixidagi muhim sahifani yopib berdi. Model S bilan birgalikda ushbu avtomobillar uzoq vaqt davomida Tesla kompaniyasining premium imidjini shakllantirib kelgan. Biroq, kompaniyaning ommabop modellari bozorga kirib kelgach, ularga boʻlgan talab sezilarli darajada pasayib ketdi.
2025-yilgi global yetkazib berish maʼlumotlariga koʻra, Tesla jami 1,6 million dona Model 3 va Model Y avtomobillarini sotgan. Shu bilan birga, Model S va Model X modellarining umumiy sotuvi atigi 50 000 tani tashkil etgan. Bu farq kompaniya rahbariyatini strategiyani qayta koʻrib chiqishga undadi.
Hozirda Tesla zavodlaridagi ishlab chiqarish quvvatlarini kelajak texnologiyalariga moslashtirish ishlari boshlab yuborilgan. Xususan, Frimontdagi zavod maydonlari kompaniyaning Optimus nomli gumanoid robotlarini ommaviy ishlab chiqarishga tayyorlanmoqda.
Izohlar 0
…