Samsung uchta mashhur Galaxy smartfoni uchun yangilanishlarni to‘xtatdi

Samsung kompaniyasi o‘zining o‘rta segmentdagi uchta smartfoni — Galaxy A13, Galaxy A23 va Galaxy M33 5G modellari uchun dasturiy ta’minotni qo‘llab-quvvatlash muddatini yakunladi. Joriy oydan boshlab ushbu qurilmalar xavfsizlik yangilanishlari va tizim yangilanishlarini olish ro‘yxatidan rasman chiqarildi. Bu haqda Ixbt.com xabar beradi.

Mazkur smartfonlar 2022-yil aprel oyida Android 12 bazasidagi One UI 4.0 operatsion tizimi bilan taqdim etilgan edi. Galaxy A13 va Galaxy A23 modellari o‘z hayotiy sikli davomida ikkita yirik tizim yangilanishini qabul qildi va ularning oxirgi versiyasi One UI 6 (Android 14) bo‘lib qoladi.

Galaxy M33 5G modeli esa biroz uzoqroq muddat qo‘llab-quvvatlandi. U to‘rtta yirik yangilanishni qabul qilib, oxirgi marta One UI 8 (Android 16) versiyasigacha yangilandi. Endilikda ushbu qurilmalar uchun muntazam yangilanishlar chiqarilmaydi.

Kompaniya vakillarining ta’kidlashicha, kelgusida faqatgina o‘ta jiddiy xavfsizlik kamchiliklari aniqlangandagina ushbu modellar uchun maxsus yamoqlar (patch) chiqarilishi mumkin. Foydalanuvchilarga xavfsizlikni ta’minlash maqsadida yangiroq modellarga o‘tish tavsiya etiladi.

Nodirbek Razzokov

«ZAMIN.UZ» muharriri

+ Zamin.uz saytini Google'ga qo'shing