Gizmochina xabariga ko‘ra, Honor kompaniyasi akkumulyator sig‘imi 10 000 mA·soat va undan yuqori bo‘lgan bir nechta yangi smartfonlar ustida ish olib bormoqda. Hozirgi kunda brend allaqachon shunday sig‘imga ega uchta modelni chiqargan bo‘lib, yangi qurilmalar bilan bu ko‘rsatkich yettitaga yetadi. Hozircha hech bir boshqa smartfon ishlab chiqaruvchi bunday natija bilan maqtana olmaydi. Bu haqda Ixbt.com xabar beradi.
Yangi loyihalar orasida ayniqsa ikkita qurilma diqqatga sazovor. Ulardan biri 12 000 mA·soatlik akkumulyator bilan jihozlanishi kutilmoqda, bu esa ommaviy ishlab chiqariladigan smartfonlar orasida eng yuqori ko‘rsatkichlardan biri bo‘ladi. Ikkinchi model esa ikki elementli (dual-cell) arxitekturaga ega 10 000 mA·soatlik batareyadan foydalanadi.
Ushbu konstruksiya qurilmaning qizib ketishining oldini olib, sovutish tizimini yaxshilash va quvvatlanish jarayonini tezlashtirish imkonini beradi. Yangi texnologiya yordamida hatto bunday katta sig‘imli batareyalarni ham 120 Vt quvvat bilan tezkor quvvatlash mumkin bo‘ladi.
Mutaxassislarning fikricha, mazkur qurilmalar kelajakda Honor X80, Power 3 va Win 2 turkumlariga kirishi mumkin. Biroq kompaniya hozircha ushbu ma’lumotlarni rasman tasdiqlagani yo‘q.
“Zamin”ni Telegramʻda oʻqing!
