Taniqli insayder Digital Chat Station yangi buklanuvchi smartfonning muhandislik namunasini sinovdan oʻtkazganini maʼlum qildi. Qurilma MediaTek kompaniyasining flagman darajasidagi 8 yadroli Dimensity 9500 platformasi bazasida ishlaydi. Ushbu chipset yuqori unumdorlikka ega boʻlib, premium toifadagi smartfon va planshetlar uchun moʻljallangan. Bu haqda Ixbt.com xabar beradi.
Smartfon dizayni boʻyicha maʼlumotlarga koʻra, u silliqlangan burchaklar va tekis old panelga ega boʻladi. Orqa qismida katta hajmli yumaloq kamera bloki joylashgan boʻlib, barmoq izi skaneri esa qurilmaning yon qismiga oʻrnatilgan.
Kamera imkoniyatlari taʼsirli: asosiy sensor 200 megapikselli, ultra keng burchakli modul 50 megapikselli hamda 3 karra optik yaqinlashtirishga ega periskopik telefoto kamera ham 50 megapikselli sensor bilan jihozlangan. Mutaxassislar ushbu qurilmani muvozanatli va universal yechim sifatida baholamoqda.
Digital Chat Station avvalroq Xiaomi 15, Xiaomi 15 Pro hamda Realme GT 7 Pro smartfonlari haqidagi aniq maʼlumotlarni birinchilardan boʻlib oshkor qilgan edi. Shuningdek, insayder Dimensity 9400 chipi Snapdragon 8 Elite protsessoridan oldinroq bozorga chiqishini ham toʻgʻri bashorat qilgan.
“Zamin”ni Telegramʻda oʻqing!
