Perplexity kompaniyasi o‘zining sun’iy intellektga asoslangan Personal Computer vositasini barcha Mac foydalanuvchilari uchun ochiq deb e’lon qildi. Ushbu dastur OpenClaw kabi mahalliy AI agentlariga raqobatchi sifatida ishlab chiqilgan bo‘lib, foydalanuvchining shaxsiy fayllari, ilovalari va internetdagi ma’lumotlari bilan bevosita ishlash imkonini beradi. Bu haqda Techcrunch.com xabar beradi.
Personal Computer shunchaki bulutli xizmat emas, balki foydalanuvchining qurilmasida ishlaydigan yordamchi hisoblanadi. U 400 dan ortiq ulanishlar (connectors) orqali turli dasturlar o‘rtasida ma’lumot almashish, hujjatlarni tahlil qilish va murakkab vazifalarni avtomatlashtirishga qodir. Kompaniya xavfsizlik masalasiga alohida e’tibor qaratib, foydalanuvchi ma’lumotlarini himoyalangan muhitda qayta ishlashni va’da qilmoqda.
Yangi vosita Mac Mini kabi doimiy yoqilgan qurilmalarda avtonom agentlarni ishga tushirish uchun mo‘ljallangan. Foydalanuvchilar hatto iPhone orqali masofadan turib ham topshiriqlarni boshlashi yoki AI tomonidan yuborilgan so‘rovlarni tasdiqlashi mumkin. Perplexity ushbu yangilik bilan birga, eski Mac ilovasini yaqin haftalar ichida to‘xtatishini va barcha resurslarni yangi Personal Computer loyihasiga yo‘naltirishini ma’lum qildi.
“Zamin”ni Telegramʻda oʻqing!
