Apple kompaniyasining iPhone 17 turkumi Xitoy bozorida katta muvaffaqiyatga erishmoqda. 2026-yilning 18-haftasiga kelib (27-apreldan 3-maygacha), mamlakatda faollashtirilgan qurilmalar soni 29,19 million donani tashkil etdi. Bu haqda Ixbt.com xabar beradi.
MyDrivers resursi maʼlumotlariga koʻra, iPhone 17 sotuvlari barqaror oʻsishni namoyish etmoqda. Taqqoslash uchun, 12-haftada bu koʻrsatkich 25,98 millionni, 14-haftada esa 27,22 millionni tashkil qilgan edi. 2025-yil sentyabrida taqdim etilgan ushbu smartfonlar sotuvga chiqqan ilk kunlardanoq yuqori talabga ega boʻldi.
Statistikaga koʻra, iPhone 17 turkumi sotuvga chiqqan dastlabki uch kun ichida Xitoyda 1 millionga yaqin qurilma faollashtirilgan, bu avvalgi avlodga nisbatan 30 foizga koʻpdir. 2026-yilning oltinchi haftasiga kelib esa umumiy koʻrsatkich 20 millionlik marrani zabt etdi.
Turkum ichida eng ommabop model iPhone 17 Pro Max boʻlib qolmoqda. 2026-yil fevral oyi oʻrtalariga kelib, ushbu modelning faollashtirilgan nusxalari soni 10 milliondan oshib ketdi.
Raqobatchi Xiaomi 17 turkumi esa Apple natijalaridan sezilarli darajada ortda qolmoqda. 18-hafta yakunlariga koʻra, Xiaomi 17 seriyasidagi barcha modellar jami 4,736 million dona sotilgan, ularning eng qimmat varianti boʻlgan Xiaomi 17 Ultra esa atigi 207 ming donadan ortiqroq xarid qilingan.
“Zamin”ni Telegramʻda oʻqing!
