LG Electronics AQSh bozorida 2026-yilgi QNED evo Mini LED televizorlar turkumini namoyish etdi. Ushbu seriyaning eng yorqin yangiligi 115 dyuymli 115QNED92BU modeli bo‘lib, u kompaniya tarixidagi eng yirik QNED televizor hisoblanadi. Qurilma allaqachon 13 ming dollar narxda oldindan buyurtma uchun ochiq. Bu haqda Ixbt.com xabar beradi.
Televizor 4K Mini LED paneli, Alpha 8 AI Gen 3 protsessori va Precision Dimming Ultra mahalliy yoritish tizimi bilan jihozlangan. LG ma’lumotlariga ko‘ra, yangi modelda yoritish zonalari soni o‘tgan yilgi versiyaga nisbatan 25 foizga oshirilgan. Tasvir sifati Dynamic QNED Color Pro texnologiyasi orqali ta’minlanadi.
O‘yin ixlosmandlari uchun qurilma 165 Hz gacha bo‘lgan VRR va Full HD ruxsatida 330 Hz Motion Booster rejimini taklif etadi. Konsollar uchun HDMI 2.1 orqali 4K 120 Hz rejimida o‘ynash imkoniyati mavjud. Dasturiy ta’minot sifatida webOS 26 platformasi o‘rnatilgan bo‘lib, u Google Gemini va Microsoft Copilot sun’iy intellekt xizmatlari bilan integratsiyalashgan.
Tizimda sport yangiliklari va o‘yinlar uchun maxsus Sports Portal hamda Gaming Portal bo‘limlari mavjud. Foydalanuvchilar ushbu bo‘limlar orqali o‘yin natijalarini kuzatishlari hamda NVIDIA GeForce NOW va Xbox Cloud Gaming kabi bulutli o‘yin xizmatlaridan to‘g‘ridan-to‘g‘ri foydalanishlari mumkin.
“Zamin”ni Telegramʻda oʻqing!
