Taniqli insayder Digital Chat Station maʼlumotlariga koʻra, Honor oʻzining yangi flagman smartfonlar turkumida 200 megapikselli asosiy kameralardan foydalanishni rejalashtirmoqda. Yangi qurilmalar 1/1,28 dyuymli yirik optik sensor bilan jihozlanadi, bu esa ayniqsa kam yorugʻlik sharoitida tasvir sifatini sezilarli darajada oshiradi. Bu haqda Ixbt.com xabar beradi.
Texnik yangiliklar qatorida 3 darajali kompensatsiya burchagiga ega OIS optik stabilizatsiyasi hamda kardanli osma (gimbal) darajasidagi yangi multimodal stabilizatsiya tizimi mavjud. Kompaniya videoyozuv sifatini yaxshilashga alohida eʼtibor qaratmoqda, bunda ARRI kompaniyasining ilgʻor texnologiyalaridan foydalaniladi.
Shuningdek, Honor muhandislari yangi periskopik telefoto obyektivni sinovdan oʻtkazmoqda. Eslatib oʻtamiz, Honor va ARRI oʻrtasidagi hamkorlik MagicOS tizimida tasvirni qayta ishlash imkoniyatlarini kengaytirishga qaratilgan boʻlib, bu jarayon ilk bor Robot Phone loyihasida oʻz aksini topgan edi.
Honor bosh direktori Lo Vey ushbu hamkorlik smartfonlar suratga olish imkoniyatlarini yangi bosqichga olib chiqishini taʼkidladi. Digital Chat Station avvalroq Xiaomi 15 va Realme GT 7 Pro kabi qurilmalar haqidagi aniq maʼlumotlari bilan tanilgani sababli, bu xabarlar texnologiya ixlosmandlarida katta qiziqish uygʻotmoqda.
“Zamin”ni Telegramʻda oʻqing!
