Elon Musk Starlink sunʼiy yoʻldoshlarida quyosh energiyasi ishlab chiqarishning barqaror eksponentsial oʻsishini tasdiqladi. Uning soʻzlariga koʻra, ushbu tendensiya yana koʻp yillar davomida saqlanib qoladi. SpaceX allaqachon koinotda Starlink tizimi orqali ulkan quyosh panellari quvvatini joylashtirishga muvaffaq boʻldi. Bu haqda Ixbt.com xabar beradi.
Hozirgi hisob-kitoblarga koʻra, 3000 ta sunʼiy yoʻldoshdan iborat birinchi avlod (Gen1) 10 megavatt energiya taʼminlagan boʻlsa, 7000 ga yaqin sunʼiy yoʻldoshni oʻz ichiga olgan ikkinchi avlod (Gen2) allaqachon 100 megavatt quvvat bermoqda. Uchinchi avlod (Gen3) ishga tushishi bilan bu koʻrsatkich 1000 megavattga yetishi kutilmoqda.
Bunday jadal oʻsish Starlink sunʼiy yoʻldoshlarining hajmi, samaradorligi va soni ortib borayotgani bilan bogʻliq. Quyosh energetikasining rivojlanishi SpaceX kompaniyasining sunʼiy intellekt uchun orbital maʼlumotlar markazlarini (data-centers) yaratish boʻyicha ulkan rejalari bilan bevosita bogʻliqdir.
Koinotda kuchli hisoblash majmualarini joylashtirish Yer yuzidagi energiya tarmoqlaridan katta yuklamani olib tashlash imkonini beradi. Toʻgʻridan-toʻgʻri orbitada quyosh energiyasi bilan oziqlanadigan ushbu markazlar kelajakdagi AI-modellarni oʻqitish uchun infratuzilmaning asosiy elementiga aylanadi.
Ushbu maqsadlarni amalga oshirish uchun Elon Musk kompaniyasi Texasning Ostin shahri yaqinida 10 gigavatt quvvatga ega ulkan quyosh panellari zavodini qurmoqda. Bu koinotdagi energetik inqilobning yer ustidagi poydevori boʻlib xizmat qiladi.
“Zamin”ni Telegramʻda oʻqing!
