AQSH Milliy aeronavtika va koinotni tadqiq qilish boshqarmasi (NASA) Yer yoʻldoshiga amalga oshiriladigan kosmik parvozlar chastotasini keskin oshirishni niyat qilgan. Fox News telekanaliga bergan intervyusida idora vakili Jared Isaacman maʼlum qilishicha, 2027-yildan boshlab AQSH Oyga deyarli har oyda uchuvchisiz kosmik apparatlarni joʻnatishni rejalashtirmoqda. Bu haqda Ixbt.com xabar beradi.
Uning soʻzlariga koʻra, uchuvchisiz kemalarning ilk sinov parvozlari joriy yildayoq start olishi mumkin. Ushbu muntazam robotlashtirilgan qoʻnishlardan koʻzlangan asosiy maqsad — Oyning janubiy qutbi hududida joylashadigan doimiy Amerika bazasini qurish uchun muhandislik-texnik tayyorgarlik koʻrish va infratuzilmani kengaytirishdir.
Jared Isaacman Oy yuzasida infratuzilmani barpo etish jarayonida ishlab chiqiladigan va sinovdan oʻtkaziladigan texnologiyalar butun boshqariladigan kosmonavtika kelajagi uchun oʻta muhim ahamiyatga ega ekanini alohida taʼkidladi. Avtomatik qurilish sohasida orttirilgan tajriba va koʻnikmalar insoniyat tarixidagi Marsga ilk uzoq muddatli ekspeditsiyani tashkil etish uchun poydevor boʻladi.
Artemis dasturining uchinchi bosqichi jadvaliga muvofiq, amerikalik astronavtlarning Oyga qoʻnishi 2028-yilda amalga oshirilishi kutilmoqda. Qizil sayyoraga ilk boshqariladigan kemalarni joʻnatish esa taxminan 2030-yillarning oʻrtalariga rejalashtirilgan.
“Zamin”ni Telegramʻda oʻqing!
