Roskosmos koinotdagi eng mashhur obektlardan biri va insoniyat tomonidan kashf etilgan birinchi planetar tumanlik — Gantel tumanligining yangi suratini eʻlon qildi. Ushbu obekt 1764-yilda fransuz astronomi Sharl Messye tomonidan kashf etilgan boʻlib, u astronomiya tarixida muhim oʻrin tutadi. Bu haqda Ixbt.com xabar beradi.
Tumanlik Yerdan taxminan 1360 yorugʻlik yili uzoqlikda, Tulki (Vulpecula) turkumida joylashgan. Oʻzining oʻziga xos shakli tufayli u sport anjomi — gantelni eslatadi va aynan shu sababli shunday nom olgan. Aslida esa bu oʻlayotgan yulduz oʻzining tashqi qobiqlarini uloqtirib yuborganidan keyin hosil boʻlgan ulkan qaynoq gaz bulutidir.
Bunday obektlar olimlar uchun alohida qiziqish uygʻotadi, chunki ular Quyoshga oʻxshash yulduzlar hayotining soʻnggi bosqichlaridan birini kuzatish imkonini beradi. Vaqt oʻtishi bilan bunday tumanliklarning markaziy yulduzi oq mitti yulduzga aylanadi.
Taqdim etilgan tasvir TAL-200K teleskopi yordamida olingan. Batafsil va tiniq suratni yaratish uchun umumiy eksponirlash vaqti qariyb 10 soatni tashkil etgan bir qator kadrlar seriyasidan foydalanilgan.
“Zamin”ni Telegramʻda oʻqing!
