Apple’ning «yubiley» smartfoni to‘g‘risida turli taxminlar, suratlar tarqalib kelayotganidan xabaringiz bor. Lekin, Forbes nashri kolumnisti Gordon Kellining ta’kidlashicha, iPhone 8 romsiz bo‘lmaydi.
Bu da’vosiga isbot sifatida jurnalist bo‘lajak flagmanning renderlarini ko‘rsatmoqda. Ularni esa Kelliga Apple rejalari bilan yaxshi tanish bo‘lgan kompaniya – smartfonlar uchun g‘ilof va aksessuarlar ishlab chiqaruvchi Nodus taqdim etgan, deb yozmoqda Terabayt.uz sayti.
Forbes jurnalisti bergan ma’lumotlarga ko‘ra, yangi smartfonning displeyi atrofidagi rom qalinligi 4 millimetrdan kam bo‘lmaydi. Uning ekrani esa diagonaliga 5,8 dyuymga teng keladi.
Gordon Kelli so‘zlariga ko‘ra, mana shu rasmlarda ko‘rib turganimiz – iPhone 8 modelining yakuniy dizaynidir. Joriy yilda kupertinolik gigant o‘z flagmanining shaklini o‘zgartirishga chalg‘imasdan, uning texnologik jihozlanishiga asosiy e’tiborini qaratgan, deydi u.
Shunga qaramasdan, birinchi bo‘lib ko‘zga tashlanadigani aynan displey bo‘lib, u old panelning 80 foizdan ko‘proq qismini egallaydi. Shuningdek, unda Touch ID o‘rnatilgan «Uyga» tugmachasi yo‘qligi ham ahamiyatlidir.
Yana bir yangilik – Apple biometrik modulni (barmoq izi skanerini) displey ostiga baribir joylashtira olmadi. Bu datchik endi iPhone 8’ning yon tomoniga ko‘chirilishi va faollashtirish tugmachasida joylashishi mumkin, deyiladi xabarda.
Shunday bo‘lsa-da, kompaniya muhandislari qurilmaning batareyasi sig‘imini kengaytira olishdi. Bunga esa L harfi shaklidagi akkumulyator blogi joriy etilganligi hamda smartfonning ishchanligiga javob beruvchi plata hajmining kichraytirilishi orqali erishilgan.
iPhone 8’ning tashqi portlari to‘plami esa, aftidan, avvalgilaridek qoladi. Bu flagman ham, xuddi oldingi «ajdodi» kabi, Lightning-konnektor bilan mosligini saqlaydi hamda unda quloqchin tirqishi yo‘q. Smartfon jamlanmasiga AirPods simsiz quloqchinlari ham kiritiladimi yo yo‘qmi – bunisi hozircha noma’lum. Biroq flagmanning narxi yaxshigina oshiriladi. Uning bazaviy modeliga 1100-1200 AQSh dollari miqdorida narx belgilanadi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Tramp Putinga qo‘ng‘iroq qilib, Ukrainadagi urushni muhokama qildi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
Immunitetni ko‘tarish uchun 6 ta eng yaxshi vitamin
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Rossiya Kursk viloyatidagi hududlarini qaytarib olishga 50 ming harbiy to‘pladi
