AQSh Milliy xavfsizlik agentligi (MXA) sobiq xodimi Edvard Snouden hamda Amerikaning «Matbuot erkanligi» jamg‘armasi (Freedom of the Press Foundation) yangi ilovani yaratishdi. Bu dastur smartfonni kuzatuvdan saqlovchi tizimga aylantira oladi. Bu haqda «Wired» nashriga tayanib «Terabayt» xabar berdi.
Haven deb nomlanuvchi ushbu ilova Android tizimi bazasidagi arzon smartfonlarga o‘rnatishga mo‘ljallangan. Ishlab chiquvchilarning fikricha, bu dastur o‘rnatilgan telefonni egasi o‘z uyida yoki o‘zi joylashgan mehmonxona xonasida qoldirib ketishi lozim. Haven yordamida bu smartfon maxfiy tarzda atrofni videotasvirga tushiradi, ovozlarni yozib oladi va bularni o‘z egasiga yuboradi.
Snouden fikricha, bu usul yordamida xonada egasi yo‘qligida kimdir kirib, tintuv o‘tkazishga, yashirin kamera yoki diktofon o‘rnatishga uringanligini aniqlash mumkin. Bundan tashqari, begonalar smartfonni ochishga yoki unga josuslik dasturlarini o‘rnatishga urinsa ham Haven dasturi buni aniqlab, egasini ogohlantiradi.
Haven xonaga kirgan begonalarni to‘xtatib qola olmasligini Snouden tan olgan, biroq ilova bu holatni hujjatlashtirib qo‘yishi va fosh etishining o‘zi ham katta gap, degan u. Shu tariqa, bu dastur maxsus xizmatlar vakillarining o‘z xizmat vakolatlarini suiiste’mol qilishlariga xalaqit beradi.
Aytish kerakki, Edvard Snouden dastlab AQSh xavfsizlik idorasida ishlagan va chetga qochib ketib, bu muassasaning sirlarini fosh qilgani bilan tanilgan. Unga Rossiyada boshpana berilgan bo‘lib, hozirgacha o‘sha yerda yashaydi. AQShda esa Snoudenga davlatga xiyonat qilganlik aybi qo‘yilgan.
“Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Prezidentning yangi qarori bo‘yicha ma’lumot berildi
NATO rahbari: “Ukrainaga bergan va’damizni bajarmadik”
O‘zbekistonda uy-joy va avtomobillar oldi-sotdisi naqd pulsiz shaklga o‘tkazilishi mumkin
Ukraina Qurolli kuchlari qo‘mondonlari g‘alabaga ishonishni to‘xtatishdi
Fon der Lyayen Putinning «ishonli odamlari» bilan hamkorlikni istisno etdi
Rossiya kubogi. SSKA ilk o‘yinda Zenit bilan durang o‘ynadi, Fayzullayev zahiradan tushirildi
U-23 Osiyo kubogi. Norchayev finalda gol ursa, to‘purar bo‘lishi mumkin