Foto: «NV.ua»
«Apple» kompaniyasi tergov vaqtida huquq-tartibot organlari xodimlari tomonidan biror bir shaxsning «iPhone»ga kirish imkonini beruvchi portni bloklashini ma’lum qildi. Bu dunyoning yetakchi texnologik giganti jinoyatlarni tergov qilishda qanchalik yordam ko‘rsatayotgani borasidagi bahs-munozaralarning avj olishiga sabab bo‘ladi, deb xabar berdi «Xabar.uz».
«Apple»ning ma’lum qilishicha, «iPhone» qurilmasining pastki qismidagi «Lightning» porti foydalanuvchi o‘z telefonini bloklaganidan bir soat o‘tib o‘chadigan bo‘ladi. Bu kuz oyida taqdim etiladigan dasturiy ta’minotning bir qismi hisoblanadi.
Mazkur o‘zgartirish «iPhone» foydalanuvchilarining shaxsiy ma’lumotlarini himoya qilish uchun ishlab chiqilgan. Qurilmadan muntazam foydalanib kelayotgan odamlar uchun bu sezilmaydi ham, biroq politsiya «Lightning» porti orqali ma’lumotlarni tortib olishda ancha qiynaladi.
Shunga qaramay «Apple»ning so‘zlariga ko‘ra, mazkur o‘zgarishlar orqali ular huquq-tartibot xodimlarining ishlariga xalaqit berish niyatida emas.
«Biz shunchaki «Apple» mahsulotlarining har biridagi himoya tizimini munazam mustahkamlab boramiz, bu orqali o‘z mijozlarimizga xakerlardan, shaxsiy ma’lumotlarni o‘g‘irlovchilar va unga qiziquvchilardan qutilishga yordam beramiz. Biz huquq-tartibot organlarini juda hurmat qilamiz va xavfsizlik sohasini mustahkamlash orqali ularga o‘z vazifalarini bajarishda to‘sqinlik qilish niyatida emasmiz», — deyiladi kompaniya bayonotida.
«Lightning» porti «iPhone» qurilmalarini quvvatlantirishda ishlatiladi. Qurilma blokda bo‘lsa ham quvvat olaveradi, biroq bir soat o‘tgach ma’lumotlarning uzatilishi bloklanadi.
“Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Zoir Mirzayev “Telefonsiz maktab”ga 300 mln so‘m mukofot berdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
Ortiqcha vaznli insonlar uchun sog‘lom ovqatlanishning beshta muhim qoidasi
Ruslar Abrams tanklarining zaif tomonini topishdi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
AQSHning G‘azodagi siyosatidan norozi Davlat departamenti rasmiysi iste’foga chiqdi
Lukashenko G‘arbga tahdid bilan chiqdi