Farzandi yig‘isining sababini bilolmagan ota-onaning ahvolini hech kuzatganmisiz? Jigarbandining bezovtaligi boisini tushunmagan yaqinlari o‘zlarini qo‘yarga joy topa olmaydi.
Bu kabi vaziyatlarga ko‘p guvoh bo‘lgan tinib-tinchimagan olimlar chaqaloq yig‘isini tarjima qiluvchi maxsus qurilma yaratdi.
“Cry Translator” (“Bola yig‘isi tarjimoni”) deb nomlanuvchi maxsus uskuna endilikda ota-onalarga yaqindan ko‘mak bera oladi. Mazkur qurilma bola yig‘laganda to‘g‘ri harakat qilish yo‘llari, uni tinchlantirish, shu bilan bir vaqtda kichkintoy bilan ilk bora tillashish usullarini o‘rgatadi. Yeng asosiysi yesa ushbu moslama shirintoy yaqinlarini ortiqcha tashvishga tushib, vahima qilishdan asraydi.
Ixtironing afzalliklari shundaki, u 96 foiz aniqlik bilan go‘dak yig‘isining sababini aniqlaydi. Boshqa qurilmalar (kichkintoy uchun mo‘ljallangan maxsus radio, smartfon, ichki telefon tizimi va boshqalar) bilan ulana oladi. U mittivoyning xohish-istagini tezda anglashga ko‘mak bergani bois, ota-onalar uchun yaqin yordamchi bo‘ldi.
Agar ushbu moslama chaqaloqning yonida bo‘lsa, LCD displeyda 3-5 soniya ichida beshta yemotsional yoki fiziologik holatdan biri – “och”, “zerikkan”, “noqulaylik”, “uyquchan”, “stress” degan so‘zlar namoyon bo‘ladi. Bu orqali yesa ota-onalar yoki yenagalar kichkintoyni tezda tinchlantirishlari mumkin. Ta’kidlash joizki, ushbu maxsus asbob tibbiy uskuna yemas, balki kichkintoyning yaqinlari uchun mittivoyni yaxshiroq tushunishga ko‘mak beruvchi vositadir.
Unutmang, chaqaloq hech qachon besabab yig‘lamaydi. U o‘zida bo‘layotgan holatni yig‘i vositasida namoyon qiladi.
Agar bolajonning bezovtaligi tinmasa, bu qurilma bilan cheklanib qolmay, albatta shifokorga murojaat qilish kerak bo‘ladi.
Ta’kidlash joizki, mahsulotning yakuniy jarayoni hali ham rivojlanish bosqichida. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Shi Te Yong: "Bizda hali olimpiadaga chiqish imkoniyati bor"
Ilon Mask Ukraina va AQSH o‘rtasidagi uzoq muddatli yordam bo‘yicha muzokaralarni “aqldan ozish” deb atadi
Ushbu moddaning yetishmasligi tamaki kabi umrni qisqartiradi
Xodimlarning mehnat qonunchiligiga rioya etilishi nazoratga olingan
O‘zbekistonliklar Saudiyaga tibbiyot va mehmonxona sohalari bo‘yicha ishga yuborilishi mumkin
Elektromobil haydovchilar uch xil bo‘ladi
AQSHda MXA sobiq xodimi Rossiya foydasiga josuslik qilgani uchun 21 yilga qamaldi