LG kompaniyasi o‘yin ishqibozlari uchun egilgan monitorni ishlab chiqarishini ma’lum qildi

LG kompaniyasi o‘yin ishqibozlariga mo‘ljallangan “UntraWide” egilgan monitorini ishlab chiqarishini ma’lum qildi, Bu haqda “The Verge”ga asoslanib “Kun.uz” yozadi. Monitor Las-Vegasda bo‘lib o‘tadigan “CES 2015” ko‘rgazmasida namoyish qilinadi.

Kompaniyaning xabar berishicha, monitor FreeSync texnologiyasi bilan jihozlangan va diagonali bo‘yicha 34 dyuym o‘lchamga ega. Monitorning egilgan modelidan tashqari, yassi modeli ham taklif etiladi. Kompaniyada monitorlardan, shuningdek, birjadagi brokerlar ham foydalanishlari mumkinligi aytib o‘tildi. Ular yordamida atsiyalar narxining o‘zgarish grafigini kuzatish qulay bo‘ladi.

Yangi monitorlar qachon savdoga chiqarilishi ma’lum qilinmagan.