Buxoro shahridagi 32 – Mehribonlik uyida respublikamizda birinchi bo‘lib havodan suv oladigan noyob uskuna o‘rnatildi.
O‘zbekiston Respublikasi Innovatsion rivojlanish vazirligi, Isroil davlatining “Watergen Ltd” kompaniyasi, Xolon texnologiyalar instituti bilan hamkorlikda amalga oshirilgan mazkur loyihaga ko‘ra, maxsus generator havo namligidan foydalangan holda ekologik toza ichimlik suvini hosil qiladi. Qurilma bir sutkada 900 litrgacha suv chiqarish quvvatiga ega.
- “Watergen” texnologiyasi asosidagi bu uskunalar dunyodagi eng kam energiya sarflovchi havo – suv generatori sanaladi, -deydi respublika Innovatsion rivojlanish vazirligi huzuridagi Innovatsion ishlanmalarni joriy etish ilmiy-amaliy markazi direktori Shahobiddin Sharifov. - Qurilma shuningdek, bir nechta to‘siqli filtr kaskadlar orqali havoni filtrlaydi.
Mutaxassislarning ta’kidlashlaricha, atmosfera havosi namlikning ulkan havzasi sanaladi. Hatto iqlimi quruq, cho‘l hududlardagi yerga yaqin joylashgan bir kvadrat kilometr atmosfera qatlamida 20 ming tonna suv bug‘i mavjud. Butun dunyoda kuzatilayotgani kabi mamlakatimizda ham ichimlik toza suv masalasi dolzarbligi inobatga olinsa, ushbu loyiha istiqbolli ekani ko‘zga tashlanadi.
Darvoqe, ushbu qurilma Buxoroda tajriba tariqasida sinovdan o‘tkazish uchun ikki oy muddatga o‘rnatildi. Shundan so‘ng u Mo‘ynoq tumanida ham sinovdan o‘tkaziladi.
Dastlabki tahlillar ko‘rsatyaptiki, havodan olinayotgan suvning qattiqlik darajasi me’yorida.
Aytmoqchi, “Watergen Ltd” kompaniyasining ushbu generatorlari jahonning bir qator davlatlari, jumladan, Vetnam, Tailand, Kanada hamda Janubiy Amerikada ishlab chiqarilmoqda. Uning uy sharoitida ishlatiladigan, sutkasiga 50 – 100 litr suv beradigan moslamalariga qiziqish ayniqsa, katta. Bu dunyodagi eng yaxshi innovatsion loyiha sifatida e’tirof etilgani ham bejiz emas.
Kelgusida mamlakatimizda ham har bir xonadonga mo‘ljallangan, havo namligidan foydalangan holda toza ichimlik suvini hosil qiluvchi kichik hajmli shunday qurilmalarni ishlab chiqarishni yo‘lga qo‘yish rejalashtirilyapti.
Istam IBROHIMOV
Manba: Xalq so‘zi “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Putin Ukrainadagi obyektga ballistik raketa zarbasi berilganini e’lon qildi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
Zelenskiy Putin borasida bayonot berdi: “Tinchlikni istaganlar yuziga tupurmoqda”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Ukraina Kursk oblastida egallab olgan hududlarining 40 foizdan ortig‘ini yo‘qotdi
