Foto: «Xabar.uz»
O‘zbekistonda birinchi marotaba dasturiy ilovalarni ishlab chiqish bo‘yicha mukofot jamg‘armasi 100 000 AQSh dollarini tashkil etadigan respublika tanlovi bo‘lib o‘tadi.
Bugungi kunda O‘zbekistonda IT sohasini rivojlantirishga alohida e’tibor qaratilmoqda, yoshlar orasida AKT sohasiga qiziqish va intilishni rivojlantirishni esa O‘rta Osiyoning texnologik markaziga aylanishdek maqsadga erishish uchun eng muhim va asosiy qadam deb hisoblash mumkin. Bu qiziqishni kuchaytiradigan narsa, agar yosh dasturchilar uchun katta mukofot jamg‘armasiga ega bo‘lgan keng miqyosli tanlov bo‘lmasa, boshqa nima ham bo‘la olardi?
Shu sababli IT-Park, O‘zbekiston Respublikasi axborot texnologiyalari va kommunikatsiyalarini rivojlantirish vazirligi ko‘magida Birlashgan Arab Amirliklari bilan birgalikda talabalar orasida O‘zbekistonda davlat mobil ilovalarini ishlab chiqish bo‘yicha birinchi «mGovAward» respublika tanlovi o‘tkazilishini e’lon qiladi.
Talabalar 5 yo‘nalishda o‘zlarini sinab ko‘rishlari mumkin:
1. Ta’lim;
2. Sog‘liqni saqlash;
3. Turizm;
4. Transport va logistika;
5. Biznes va G2B.
Tanlovning asosiy mezonlari quyidagilar bo‘ladi: bo‘lg‘usi ilovaning samaradorligi, uning innovatsionligi va foydalanishda oddiyligi. Tanlovga arizalarni qabul qilish 26 sentyabr kuni AKT haftaligi vaqtida boshlanadi!
«mGovAward» tanlovida ishtirokchilar O‘zbekistondagi mavjud muammolardan birini hal qilishga yordam beradigan mobil ilova yaratishlari kerak bo‘ladi.
Tanlovning mukofot jamg‘armasi $100,000, shundan $50,000 birinchi o‘ringa, $30,000 ikkinchi o‘ringa va $20,000 uchinchi o‘ringa beriladi. Shuningdek, g‘oliblar Birlashgan Arab Amirliklariga bepul sayohat va IT-Park inkubatsiya dasturida bevosita qatnashish huquqini qo‘lga kiritadilar!
2019 yil 26 sentyabrda «O‘zekspomarkaz» MKK AJda bo‘lib o‘tadigan «mGovAward» konferensiyasida har kim tanlov haqida to‘liq ma’lumotga ega bo‘lishi mumkin!
Anketani to‘ldiring va birinchilardan bo‘lib tanlov to‘g‘risidagi to‘liq ma’lumotni oling!
Tanlov veb-sayti: www.mgovaward.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Osvensimda minglab yahudiylar «Tiriklar marshi» aksiyasini o‘tkazdi
OAV: Markaziy Osiyo davlatlari dronlar bilan qurollanmoqda
Rossiyada amerikalik askar o‘g‘rilikda ayblanib qo‘lga olindi
G‘azo aholisi HAMASning tinchlikka erishish yo‘lidagi qarorini nishonlash uchun ko‘chalarga chiqdi
Britaniyalik milliarder uylandi. 25 mln dollar sarflangan to‘y 4 kun davom etdi
Si Szinpin Falastindagi mojaroni hal qilish shartlarini aytdi
Xarkivga yana bomba zarbalari uyushtirildi
Tadqiqot: dunyoda antisemitizm to‘lqini kuzatilmoqda