Xitoyda insonni qo‘lidagi vena tomirlari bo‘yicha masofadan tanuvchi tizim ishlab chiqildi

Xitoylik tadqiqotchilar insonni qo‘lidagi vena tomirlari bo‘yicha masofadan tanuvchi tizimni ishlab chiqishdi. Tadqiqotchilarning fikricha, u kelgusida QR-kod va yuzdan tanuvchi tizim o‘rnini egallashi mumkin. Bu haqda Zhongguo Xinwenwang nashri xabar berdi.

AirWave deb nomlangan texnologiya sun’iy ongga asoslangan. U yirik vena va kapillyar tomirlarning qo‘ldagi joylashuvini farqlash imkonini beradi. Foydalanuvchi identifikatsiyadan o‘tish uchun qo‘lini ko‘tarib tushirishi kifoya qiladi.

Tizimni ishlab chiqqan Melux kompaniyasi asoschisi Se Sinluning ta’kidlashicha, teri ostida joylashgan asosiy vena va kapillyarlar har bir insonda o‘ziga xosdir va yirik shahardagi yo‘llar tizimidan ham murakkabroq. Uning aytishicha, tizim bir qo‘lni qolgan milliard qo‘llar ichidan soniyaning uchdan bir qismidan qamroq vaqt ichida aniqlay oladi.

Texnologiya Guandun viloyatining ba’zi kafelari va hukumat muassasasalarining jamoat hududlarida qo‘llanmoqda. Hozirda kompaniya Guanchjou metrosi operatori bilan tizimni metroda qo‘llash bo‘yicha muzokaralar olib bormoqda.

Kompaniya rahbarining ta’kidlashicha, bunday texnologiyalar istiqbolda naqd pullar, bank kartalari va QR-kodlar o‘rnini egallashi mumkin va moliya, jamoat transporti va jamoat xavfsizligi kabi sohalarda keng qo‘llanishi mumkin. “Zamin” yangiliklarini “Twitter”da kuzatib boring