19:14 / 12.02.2015
6 711

WWW.uz’ning statistika xizmati yangilandi

WWW.uz’ning statistika xizmati yangilandi
11 fevral, chorshanba kuni Milliy axborot-qidiruv tizimi – WWW.uz’ning yangi versiyasi ishga tushdi. Bu haqda saytning o‘zida axborot berilgan.

“Saytlar bo‘yicha statistik ma’lumotlar faqat 9 fevraldan keyingi kunlar uchun ochiq. Eski statistik ma’lumotlarni old.www.uz saytida ko‘rish mumkin”, – deyiladi sayt xabarida.

WWW.uz’ning yangi versiyasida sayt dizayni to‘liq o‘zgargan, eng asosiy yangilik sifatida statistik ma’lumotlarni eski versiyadagiga nisbatan nisbatan aniqroq ko‘rinish olgan.

WWW.uz’ning eski versiyasida ko‘rsatiladigan saytlarning statistik ma’lumotlari Google Analytics yoki Yandex.Metrika kabi ommabop statistika servislaridagi ma’lumotlardan keskin farq qilar, aniqrog‘i, ko‘rsatkichlar haddan tashqari past bo‘lardi.

WWW.uz’ning yangi versiyasida esa ko‘rsatkichlar Google Analytics yoki Yandex.Metrika ma’lumotlariga ancha yaqinlashgan. Xususan, Kun.uz misolida ko‘riladigan bo‘lsa, saytga 10 fevral kuni Google Analytics va Yandex.Metrika ma’lumotlari bo‘yicha 56,1 mingdan ortiq, WWW.uz ma’lumoti bo‘yicha esa 52,4 mingdan ortiq tashrifchi kirgan.

WWW.uz statistika xizmatining yangi versiyasida kunning istalgan vaqti bo‘yicha statistik ma’lumotlar ko‘rsatiladi, har bir unikal foydalanuvchi hisobga olinadi, bir IP’dan bir necha kishi kirayotgan bo‘lsa, har biri alohida hisobga olinadi, qo‘shimcha ma’lumotlarni diagramma ko‘rinishida olish va ba’zi ma’lumotlarni raqobatchi saytlarning egalariga ko‘rinmaydigan qilib qo‘yish mumkin.

Manba; www.kun.uz

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Texnologiya » WWW.uz’ning statistika xizmati yangilandi
[/banner_pushhouse