09:55 / 13.02.2015
6 544

Yangi Samsung Galaxy S egiluvchan displey bilan jihozlanadi

Yangi Samsung Galaxy S egiluvchan displey bilan jihozlanadi
Samsung’ning Galaxy S seriyasidagi yangi smartfoni ikki ko‘rinishda chiqadi, ulardan birida smartfon ikkala tomoniga egilgan displeyga ega bo‘ladi. Bu haqda The Verge xabar berdi.

Kompaniyadagi manbaning xabar berishicha, yangi qurilmaning displeyi diagonali 5,1 dyuymni tashkil qiladi (xuddi Galaxy S5 kabi). Avvalroq Samsung displeyi bir tomonga egilgan Galaxy Note Edge smartfonini namoyish qilgan edi. Biroq smartfon cheklangan miqdorda chiqarilgan hamda asosan Koreyada sotilgan.

Ayni kunda Samsung’ga noodatiy ekranli smartfonlar bozorida raqobatchi bo‘la oladigan yagona kompaniya LG hisoblanadi. Bu kompaniya CES 2015 ko‘rgazmasida ikki tomondan egilgan displeyli smartfonni namoyish qilgan edi. Bundan tashqari, LG korpusi biroz bukilgan G Flex smartfonini ishlab chiqardi. Samsung ham shunga o‘xshash Galaxy Round modeliga ega. Bu smartfon ham faqatgina Koreya bozoriga chiqarilgan.

Manba: www.kun.uz

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Texnologiya » Yangi Samsung Galaxy S egiluvchan displey bilan jihozlanadi
[/banner_pushhouse