Pentagon mutaxassislari organizmda koronavirus alomatlari paydo bo‘lguncha virusni aniqlovchi mikrochip yaratishdi. Ta’kidlanishicha, chip yordamida virusni qonga tushganidan keyin 3-5 daqiqa ichida aniqlash mumkin bo‘ladi.
Daily Mail nashrining xabar berishicha, AQSH mudofaa vazirligining istiqbolli tadqiqot loyihalari harbiy agentligi vakillari yangi mikrochip ishlab chiqilganini ma’lum qilishgan. Chip qon tarkibini kuzatishga imkon beradi va organizmga koronavirus tushishi bilan darhol bu haqida darak beradi.
Harbiy infeksionist shifokor, iste’fodagi polkovnik Mett Xepbernning tushuntirishicha, qurilma matosimon gel ko‘rinishida bo‘lib, u teri ostiga o‘rnatilgandan keyin qon tarkibini doimiy ravishda tekshirib turadi. Koronavirus aniqlanishi bilan u bu haqida signal beradi.
“Siz uni teri ostiga kiritasiz va u organizmingizdagi kimyoviy reaksiyalar haqida ma’lum qiladi. Agar signal olsangiz, unda buning ertasigayoq sizda koronavirus belgilari paydo bo‘lishi mumkin”, deb aytgan mutaxassis.
Xepbernning ta’kidlashicha, chip yordamida organizmda virus borligi haqidagi axborotni u qonga tushgandan keyin 3-5 daqiqa ichida olish mumkin. Shu tariqa, koronavirus bir zumda aniqlanadi va bu davolash samaradorligini oshirishga imkon beradi.
Mutaxassisning ta’kidlashicha, Pentagon chip yordamida odamlarning harakatlanishi hamda ular haqida boshqa bir ma’lumot to‘plash niyatida emas. Ta’kidlanishicha, qurilmani ishlab chiqish ishlari deyarli yakunlanib qolgan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Navoiyda YPX xodimlari ko‘z oldidagi qoidabuzarlikka ko‘z yumdi
Saudiyadagi forumda G‘azo urushi muhokama qilindi: «Isroilni to‘xtata oladigan yagona davlat – AQSH»
OAV erkinligi reytingi: Dunyodagi vaziyat - oxirgi 10 yildagi eng yomoni
Zaporoje viloyatining Rabotino shahri shimolida Rossiya bayrog‘i ko‘tarildi
AQSH Rossiyani Ukrainaga qarshi kimyoviy qurol qo‘llaganlikda aybladi
“Xufyona iqtisodiyotga qarshi kurash illyuziyasi” — Soliq qo‘mitasining rejalari nega tanqidga uchradi?
Keksayganda ham yosh ko‘rinish uchun qanday hayot tarzini kechirish kerak?