Slovakiyaning Klein Vision kompaniyasi uchar avtomobilda tarixdagi ilk shaharlararo parvozni amalga oshirdi. AirCar deb nomlangan mashina Slovakiyaning Nitra va Bratislava shaharlari o‘rtasidagi 85 kmlik masofani 35 daqiqada uchib o‘tdi.
Mashinani kompaniya asoschisi Stefan Klyayn boshqargan. Mashina havoda 170 km/soat tezlikka erishgan.
Kompaniya vakillarining ta’kidlashicha, uchar avtomobilda uchib o‘tilgan masofani oddiy mashinada bosib o‘tish uchun kamida 2 marta ko‘proq vaqt talab qilingan bo‘lardi.
AirCar avtomobil va samolyot gibridi bo‘lib, 160 ot kuchiga ega BMW dvigateli bilan jihozlangan va benzinda ishlaydi. Mashina 2500 metr balandlikkacha ko‘tarilib, havoda 190 km/soat tezlikka erisha oladi. Unda favqulodda vaziyatlar uchun ballistik parashyut ko‘zda tutilgan.
Mashina o‘z ichiga 200 kg umumiy og‘irlikdagi 2 kishini sig‘dira oladi. Transformerning havoga ko‘tarilishi uchun uchish-qo‘nish yo‘lagi kerak bo‘ladi.
Kompaniyada ta’kidlanishicha, AirCar’ni ishlab chiqish uchun 2 yil vaqt va 2 mln yevro talab etilgan. Ayni vaqtda mashina havoda 40 soatga yaqin parvoz qilgan. Sinovlar vaqtida uchar mashinaning barqarorligi optimallashtirilgan.
Hozirda kompaniya mashinaning 300 ot kuchiga ega dvigatelli seriyaoldi prototipini tayyorlash bilan shug‘ullanmoqda. U bunday dvigatel bilan havoda 300 km/soat tezlikka erisha oladi va uchish uzoqligi 1000 kmni tashkil qiladi.
Ayni vaqtda bir nechta yirik avtomobilsozlik kompaniyasi yangi transport turi — “uchar taksi”ni ishlab chiqish bilan shug‘ullanmoqda. Misol uchun, Hyundai kompaniyasi 2030 yilgacha dunyoning yirik shaharlarida o‘z uchar taksi xizmatini yo‘lga qo‘ymoqchi. Koreyaliklar bu maqsadda 5–6 yo‘lovchiga mo‘ljallangan uchar avtomobillar yaratish ustida ish olib borishmoqda. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Italiya sudi Quddus Isroil poytaxti emasligi haqida qaror chiqardi
Xalqaro jinoyat sudining orderi Isroilni nega qo‘rqityapti?
2026 yilda bo‘lajak mundialning favoritlari reytingi taqdim etildi
22 noyabr kuni Cobalt avtomobiliga shartnoma ochilishi e’lon qilindi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
