HTC kompaniyasi yangi HTC One smartfoni chiqishini rasman tasdiqladi

Tayvanning HTC kompaniyasi Buyuk Britaniyadagi rasmiy Twitter-akkauntida 2015 yil 1 martdagi taqdimotda yangi HTC One namoyish etilishini tasdiqlovchi tizerni e’lon qildi, deb yozadi «Mail.ru».

Yangi smartfonning nima deb nomlanishi aniq emas. U shunchaki The new HTC One deya tilga olingan.

Ancha ishonarli manbaga ko‘ra, kamida ikkita smartfon — HTC One M9 va HTC One M9 Plus taqdim etilishi kutilmoqda.

Turli bloglarda keltirilgan ma’lumotlarga ko‘ra, HTC flagmani to‘rt yadroli Snapdragon 805 prosessori, 3 Gb tezkor xotira bilan jihozlanadi va Android 5.0.2 Lollipop operasion tizimida ishlaydi.

Avvalroq smartfon 5,5 dyuymli (2560×1440 pikselli) QuadHD-displey, 16 megapikselli kamera va Dolby Digital 5.1 akustika tizimiga ega bo‘lishi haqida xabarlar tarqalgan edi.

Manba: www.daryo.uz “Zamin”ni Telegramʻda oʻqing!