Foto: Megawatt Motors
2022-2023 yillarda Toshkent shahrining barcha tumanlari, shuningdek, respublikaning barcha viloyat markazlarida elektromobillar uchun tezkor quvvatlash stansiyalari o‘rnatilishi rejalashtirilmoqda.
Bu borada 28 mart kuni O‘zbekiston Ekologiya qo‘mitasi va Megawatt Motors kompaniyasi o‘rtasida memorandum imzolandi. Loyiha davlat-xususiy sheriklik asosida amalga oshirilishi ko‘zda tutilmoqda.
Ekologiya qo‘mitasi xabarida, qo‘mita O‘zbekiston davlat organlari orasida birinchilardan bo‘lib o‘z avtoparkini bosqichma-bosqich elektromobillarga o‘tkazishni boshlagani ta’kidlangan.
Spot ma’lumotiga ko‘ra, Megawatt Motors elektromobillar uchun quvvatlagichlar o‘rnatish rejalarini 2020 yildayoq e’lon qilgan edi. Kompaniya vakilining nashrga ma’lum qilishicha, birinchi bosqichda 10ta zaryadlash stansiyasi tashkil etilgan. Ikkinchi bosqichda yana 68ta stansiya tashkil etiladi, ulardan 56tasining quvvati 60 kVt, 12tasinda 100 kVt bo‘ladi.
Kompaniya rejalariga ko‘ra, stansiyalar butun O‘zbekiston bo‘ylab – “har 100 km masofada” o‘rnatiladi. Loyihaning hisoblangan qiymati 500 ming dollar bo‘lib, uni kompaniya to‘laligicha o‘z hisobidan moliyalashtiradi.
Plugshare xaritasiga ko‘ra, hozir O‘zbekistonda 42ta zaryadlash stansiyasi bor. Ulardan 22tasi poytaxt Toshkentda, 4tasi Toshkent viloyatida joylashgan; shuningdek, Samarqand, Qarshi, Namangan, Qo‘qon, Farg‘ona va Navoiy viloyatlarida ham elektromobillarni quvvatlash stansiyalari bor.
O‘zbekistonda zaryadlash stansiyalari o‘rnatish bilan Makro va TokBor brendlari ham shug‘ullanib kelmoqda.
Davlat statistika qo‘mitasidan ma’lum qilishlaricha, 2022 yilning yanvar-fevral oylarida O‘zbekistonga 228ta elektromobil import qilingan. Bu – o‘tgan yilning mos davriga nisbatan qariyb 3 barobarga ko‘p.
Elektromobillarning deyarli barchasi Xitoydan import qilinmoqda. 228 dona mahsulotning umumiy qiymati 5,9 mln dollarni tashkil etgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Erdo‘g‘on Turkiya Isroil bilan aloqalarini uzganini ma’lum qildi
Immunitetni ko‘tarish uchun 6 ta eng yaxshi vitamin
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Revanshda g‘alaba qozonish uchun Tayson Fyuriga nima kerak?
Shavkat Mirziyoyev Saudiya Arabistoni energetika vazirini qabul qildi
1 dekabrdan ichimlik va oqova suv uchun to‘lov faqat elektron shaklda amalga oshiriladi
Shols «tez orada» Putin bilan gaplashishga tayyorligini ma’lum qildi
