Qatiq – ichimliklar ichida eng foydalisi hisoblanadi. U organizmga ijobiy ta'sir qilish bilan birgalikda, turli xil kasalliklarni engishga ham yordam beradi. Qatiqning inson organizmi uchun foydali xususiyatlari haqida quyida bilib olishingiz mumkin:
1. Organizmni ozuqa moddalari bilan ta'minlaydi
Qatiqda koʻp miqdorda A, C, D, B vitaminlari, mineral tuzlar, oqsillar, yogʻlar va koʻp organlar faoliyatini normallashtiruvchi sut kislotasini hosil qiladigan zamburugʻlar mavjud.
2. Immun tizimini mustahkamlaydi
Qatiq oʻzining boy tarkibi tufayli, organizmda paydo boʻladigan turli kasalliklar va infektsiyalarga qarshi kurashuvchi immun hujayralarini ishlab chiqaradi.
3. Oson hazm boʻladi
Tarkibidagi sut kislotasi oqsilning parchalanishiga yordam beradi, shuning uchun engil hazm boʻladi.
4. Allergiya chaqirmaydi
Sut tarkibida koʻplab allergiya qoʻzgʻatuvchilar boʻlib, ular achitish jarayonida yoʻqoladi. Shu sababli, qatiq – yosh bolalar uchun ham asosiy ozuqa hisoblanadi.
5. Suyaklar va tirnoqlarni mustahkamlaydi
Qatiq tarkibida kaltsiy moddasi koʻp boʻlgani uchun suyaklar va tirnoqlarni mustahkamlashga yordam beradi. Koʻproq, emizuvchi onalarda kaltsiy moddasi etishmasligi sababli, ularga ham qatiq ichish tavsiya qilinadi. Keksalar uchun esa, osteoporoz kasalligining oldini olish uchun eng yaxshi vosita hisoblanadi.
6. Vaznni kamaytiradi
Bu borada koʻpchilik, qatiq yordamida yaxshi natijalarga erishgan. Bunday parhez qondagi xolesterin darajasini pasaytirishga yordam beradi va organizmdagi ozuqa balansini ushlab turadi. Parhez qiluvchilar qatiq yordamida oqsillar, vitaminlar va minerallardan bahramand boʻladi.
7. Ochlik va tashnalikka barham beradi
Qatiq nafaqat ochlikni, balki tashnalikni ham qondiradi.
“Zamin” yangiliklarini “Telegram”da kuzatib boring 
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
