O‘zbekistonda taqiqlangan ozdiruvchi mahsulotlar ro‘yxati e’lon qilindi

^{Foto: Farmatsevtika mahsulotlari xavfsizligi markazi}
Sog‘liqni saqlash vazirligi huzuridagi Farmatsevtika mahsulotlari xavfsizligi markazi O‘zbekistonda taqiqlangan, biroq internet orqali onlayn sotilayotgan ozish uchun mo‘ljallangan mahsulotlar ro‘yxatini e’lon qildi.

Unga ko‘ra, quyidagi mahsulotlarni realizatsiya qilish va saqlash taqiqlangan:

- “Reborn Ultimate”
- “Lipotrim Ultra”
- “Seksualnaya figura”
- “Al-Sheikh”
- “Fatzorb”
- “Fatzorb Ultra”
- “Fatzorb Plus”
- “Spirulina”
- “Arabic”
- “Reduksin Layt”
- “Kod S”
- “Shafran diet”
- “Gold Puma”
- “Blokator jira”
- “Hot pepper”
- “Fermentaiz”
- “Lipoksin dlya poxudeniya”
- “Kuaymiy Extra”
- “Slim ultra” (Samyun Wan)

O‘zbekiston hududiga noqonuniy yo‘llar bilan kirib kelgan va huquqni muhofaza qiluvchi organlar tomonidan o‘tkazilgan tezkor tadbirlarda ashyoviy dalil sifatida olingan ushbu mahsulotlar Farmatsevtika mahsulotlari xavfsizligi markazi laboratoriyalarida tekshirilganda ularning tarkibida sibutramin moddasi mavjudligi aniqlangan.

Mazkur modda hukumat qarori bilan tasdiqlangan kuchli ta’sir qiluvchi moddalar ro‘yxatiga kiritilgan bo‘lib, tarkibida sibutramin moddasi mavjud bo‘lgan yuqoridagi 19 turdagi mahsulot dori vositasi sifatida O‘zbekistonda davlat ro‘yxatidan o‘tkazilmagan.

Farmatsevtika mahsulotlari xavfsizligi markazi barcha fuqarolar va dorixona xodimlarini ogohlikka chaqirib, kuchli ta’sir qiluvchi yoki zaharli moddalarni qonunga xilof ravishda muomalaga kiritganlik uchun qonunchilikda jinoiy javobgarlik belgilanganini eslatib o‘tdi. “Zamin” yangiliklarini “Facebook”da kuzatib boring