Organizmda kalsiy yetishmovchiligi borligini anglatuvchi simptomlar

^{Foto: Lifehacker}
Kalsiy organizm uchun muhim minerallardan biridir: u tish, suyaklar, mushaklar va nervlar salomatligi uchun muhim hisoblanadi. Shuningdek, kalsiy suyaklar yallig‘lanishidan ham himoya qiladi.

Mutaxassislarning ta’kidlashicha, kalsiy yetishmasligi natijasida tana suyaklardagi zaxiralarini yo‘qotadi. Ushbu mineral yetishmasligining turli sabablari mavjud. Tartibsiz ovqatlanish, ba’zi dori-darmonlar, gormonal muammolar, ko‘p miqdorda qahva iste’mol qilish, D vitamini yetishmasligi, jismoniy nofaollik, buyrak kasalligi yoki qalqonsimon bez kasalliklari ham kalsiy yetishmovchiligiga olib kelishi mumkin.

Kalsiy yetishmovchiligi turli alomatlarda o‘zini namoyon qilishi mumkin:
- tomir tortishishi;
- qo‘l va oyoqlardagi sanchiqlar;
- tishdagi muammolar;
- charchoq;
- diqqatni jamlash bilan qiyinchilik;
- osteoporoz;
- soch to‘kilishi yoki tirnoqlarning mo‘rtlashishi.

Noxush oqibatlarga yo‘l qo‘ymaslik uchun kalsiyga boy oziq-ovqatlarni iste’mol qilish muhimdir. Bularga pishloq, yogurt, sut va sut mahsulotlari, brokkoli, karam, rukkola yoki ismaloq kabi yashil sabzavotlar va maydanoz yoki arpabodiyon kabilar, dukkaklilar yoki giyohlar kiradi. “Zamin” yangiliklarini “Twitter”da kuzatib boring