Xitoyda yaratilgan super linzalar: tungi ko‘rish va undan ham ortig‘i

Xitoylik olimlar infraqizil nurlarni ko‘rinadigan yorug‘likka aylantiruvchi innovatsion kontakt linzalarini ishlab chiqdilar. Bu linzalar yordamida odamlar nafaqat tunda ko‘ra olishadi, balki ko‘zlari yumulgan holda ham atrofni idrok eta olishadi.

Ushbu linzalar tarkibida joylashgan nanozarrachalar infraqizil nurlarni ko‘rinadigan yorug‘likka o‘zgartiradi. Infraqizil nurlar ko‘z qovog‘idan yaxshiroq o‘tishi sababli, foydalanuvchilar ko‘zlari yumulgan holda ham atrofni ko‘ra olishadi.

Linzalar mutlaqo xavfsiz bo‘lib, zaryadlashni talab qilmaydi va oddiy linzalarga qaraganda uzoqroq vaqt davomida taqilishi mumkin.

Bu texnologiya nafaqat tunda ko‘rish imkoniyatini beradi, balki ranglarni ajrata olmaydigan insonlarga ham yordam berishi mumkin. Nanozarrachalarni moslashtirish orqali, linzalar turli to‘lqin uzunliklarini ko‘rinadigan ranglarga aylantirib, ranglarni ko‘ra olmaydigan insonlarga ranglarni farqlash imkoniyatini taqdim etadi. “Zamin”ni Telegramʻda oʻqing!