Energetik ichimlik: kuchmi, o‘limmi?

Energetik ichimliklar bugungi kunda yoshlar orasida keng tarqalgan. Ular tezda hushyorlikni oshirib, charchoqni kamaytiradi. Ammo bu ichimliklar ortida nafaqat quvvat, balki salomatlikka ta’sir qiluvchi xavf ham yashiringan.

Ijobiy ta’siri:
1. Diqqatni oshiradi: Ichimlikdagi kofein miya faolligini oshirib, hushyorlikni kuchaytiradi.
2. Charchoqqa qarshi kurashadi: Qisqa muddatda quvvat bag‘ishlaydi.
3. Jismoniy faollikni oshiradi: Ba’zi sportchilar musobaqa oldidan foydalanadi.

Salbiy ta’siri:
Energetik ichimliklarda kofein, shakar, ta’sir kuchaytiruvchi moddalar (masalan, taurin, guarana) juda yuqori miqdorda bo‘ladi. Ko‘p miqdorda qabul qilinganda:
1. Yurak urishini tezlashtiradi: Yurak-qon tomir tizimiga bosim qiladi.
2. Uyqusizlikka olib keladi: Kechasi uyquning buzilishiga sabab bo‘ladi.
3. Qaramlik hosil qiladi: Doimiy iste’molga o‘rgatib qo‘yadi.
4. Asab tizimini zo‘riqtiradi: Tashvish, bezovtalik, asabiylik kuchayadi.
5. Qon bosimini oshiradi: Ayniqsa gipertoniya muammosi bo‘lganlar uchun xavfli.

Tibbiy holatlar:
Dunyoda energetik ichimliklarni haddan ortiq ichgan odamlar orasida yurak to‘xtashi, miya qon aylanishining buzilishi yoki qorinchalar fibrillyatsiyasi kabi holatlar tufayli vafot etganlar qayd etilgan.

Energetik ichimliklar vaqtincha kuch beradi, lekin uzoq muddatda sog‘liq uchun salbiy oqibatlar keltirishi mumkin. Ayniqsa bolalar, o‘smirlar va yurak kasalligi bo‘lganlar undan butunlay voz kechishlari lozim.

Unutmang! Eng yaxshi “energiya manbai” – bu sog‘lom uyqu, muvozanatli ovqatlanish va jismoniy faollikdir. “Zamin”ni Telegramʻda oʻqing!