Behi — nafaqat mazali va foydali meva, balki terini parvarish qilishda ham tabiiy shifobaxsh manba hisoblanadi. Uning tarkibida A, S, Ye, K, V guruhi vitaminlari, shuningdek temir, ruh, selen, mis, fosfor kabi minerallar juda ko‘p. Bu moddalar terini oziqlantiradi, namlikni saqlaydi, uni sog‘lom va yosh holda saqlashga yordam beradi.
Behidagi kversetin moddasi kuchli antioksidant bo‘lib, teri hujayralarini erkin radikallardan himoya qiladi. Bu modda S vitamini bilan birga ishlab, terini tiklash va yallig‘lanishni kamaytirishda muhim o‘rin tutadi.
Uning muntazam iste’moli teridagi qizarishni bartaraf etadi, akne va dog‘larni kamaytiradi, ajinlar paydo bo‘lishini sekinlashtiradi. Shu bilan birga, behi teshiklarni toraytiradi, qora nuqtalarni kamaytiradi va teridagi yoriq hamda yaralarni tez davolashga yordam beradi.
Behi — tabiiy namlagich, tiniqlashtiruvchi va himoya qiluvchi vosita. Uning shifobaxsh xususiyatlari tufayli, hozirda ko‘plab kosmetik mahsulotlar tarkibiga ham qo‘shilmoqda.
“Zamin”ni Telegramʻda oʻqing!
