O‘zbekiston oshxonasida baliqqa qiziqish yildan yilga ortyapti. Ammo savol tug‘iladi: qaysi baliq eng foydali? Mutaxassislar va olimlar javobi aniq — losos (salmon) dunyoda eng qimmat va salomatlikka foydali baliq sifatida tan olingan.
Losos tarkibida yurak va qon tomirlar salomatligi uchun zarur bo‘lgan omega-3 yog‘ kislotalarini haddan tashqari ko‘p miqdorda saqlaydi. Bu moddalar qon aylanishini yaxshilaydi, xolesterinni kamaytiradi, miya faoliyatini quvvatlaydi. Shuningdek, lososda A, D va B12 vitaminlari, temir, yod va fosfor ko‘p bo‘lib, suyaklarni mustahkamlaydi va immunitetni oshiradi.
Biroq losos hamisha hamyonbop va arzon emas. Shunga qaramay, o‘zbek bozorlarida mavjud bo‘lgan sudak, skumbriya va forel ham juda foydali hisoblanadi. Ular ham omega-3, minerallar va vitaminlar manbai bo‘lib, organizmga kuch-quvvat beradi.
Tabiblar maslahatiga ko‘ra, baliqni haftasiga kamida ikki marta iste’mol qilish kerak. Qovurilganidan ko‘ra bug‘da pishirilgan yoki pechda tayyorlangan baliq sog‘lomroq hisoblanadi.
“Zamin”ni Telegramʻda oʻqing!
