Oddiy tomoq og‘rig‘i bola ruhiyatiga salbiy ta'sir qilishi mumkin

Ba’zan oddiygina tomoq og‘rig‘i bolalarda kutilmagan ruhiy o‘zgarishlarga sabab bo‘ladi. Bu holat “PANDAS” deb ataladi. U bolaning xulqida birdan paydo bo‘ladigan bezovtalik yoki o‘jarlikni keltirib chiqarishi mumkin.

Masalan, 8 yoshli bir bola tomoq og‘rig‘idan so‘ng o‘zgarib ketgan. U odatiy narsalardan qo‘rqib qolgan, uyqusi buzilgan, ovqat yemay qo‘ygan va hatto ko‘rmagan narsalarni ko‘rayotgandek bo‘lgan.

Mutaxassislarning aytishicha, bunda immun tizimi infeksiyaga qarshi kurashayotib, xato qilib bolaning o‘z miyasi hujayralariga ham zarar yetkazadi. Natijada miya faoliyatida o‘zgarishlar yuz beradi.

Kasallikni aniqlash qiyin, chunki maxsus test yo‘q. Ko‘p hollarda u boshqa psixologik muammolarga o‘xshab ketadi. To‘g‘ri davolash uchun antibiotiklar yoki immun tizimini kuchaytiruvchi dori vositalari qo‘llanadi.

Olimlar bu kasallikni chuqurroq o‘rganish kerakligini ta’kidlashmoqda. Chunki PANDAS bolalarning hayotini butunlay o‘zgartirib yuborishi mumkin.