O‘zbek xonadonlarining dasturxonidan asosiy o‘rin oladigan ko‘k piyoz nafaqat taomlarga mazza qo‘shadi, balki sog‘liq uchun ham bebaho manba hisoblanadi.
Ko‘k piyoz tarkibida A, S va K vitaminlari, shuningdek, temir va kalsiy moddalari mavjud. U immunitetni mustahkamlaydi, yallig‘lanishlarga qarshi kurashadi va qon aylanishini yaxshilaydi.
Mutaxassislar ta’kidlashicha, ko‘k piyozdagi antioksidantlar organizmni erkin radikallardan himoya qilib, qarish jarayonini sekinlashtiradi. Shuningdek, uni muntazam iste’mol qilish qon bosimini barqarorlashtirishi mumkin.
Qizig‘i shundaki, xalq tabobatida ham ko‘k piyoz shamollash va vitamin tanqisligida tavsiya etilgan. Xususan, bahor mavsumida dasturxonga ko‘k piyoz qo‘shish inson salomatligi uchun ayni muddao.
Shunday ekan, ko‘k piyozni faqat ta’m uchun emas, balki sog‘lig‘ingizni qo‘llab-quvvatlovchi tabiiy ne’mat sifatida ham qadrlang.
“Zamin”ni Telegramʻda oʻqing!
