Ispan olimlari odam immuntanqisiligi virusi (OIV)ga chalingan olti nafar bemorni o‘zak hujayra ko‘chirib o‘tkazish orqali davolashganini aytishmoqda.
Madriddagi Gregorio Maranon nomidagi klinika hamda Barselonadagi OIVni tadqiq qilish instituti olimlarining hamkorlikdagi izlanishlari natijasi Annals of Internal Medicine nomli tibbiyot jurnalida e’lon qilindi.
Maqolada latent rezervuardagi OIV infeksiyasi kindik va suyak iligidan o‘zak hujayrani ko‘chirib o‘tkazish orqali davolangani aytilgan.
OIVning latent rezurvuari – bu infeksiya yuqqan “uyqudagi” hujayralar guruhi bo‘lib, ularni na dori-darmon, na odamning immun tizimi tuza oladi.
Olti nafar bemor antiretrovirus preparatlarni qabul qilishda davom etmoqda, biroq olimlar ularning organizmi virusdan butkul xalos bo‘ldi degan fikrda.
Ispan olimlarning tadqiqotiga “Berlin bemori” nomini olgan amerikalik Timoti Braun bilan bog‘liq hodisa asos bo‘ldi. U OIVdan qutulgan dunyodagi yagona kishidir. Braunga OIV infeksiyasi tashxisi 1995 yilda qo‘yilgan, 2006 yilda esa u oqqon kasalligiga chalindi. Unga ikki bor suyak iligi ko‘chirib o‘tkazilgan. 2011 yilda Timoti Braun OIVdan butkul xalos bo‘lganini bildirdi.
Olimlar yangi tadqiqot Braunning kasallikdan qanday qutulganini aniqlashtirishga yordam berishiga umid qilishmoqda. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Husiylar Isroil aviabazasiga gipertovushli raketa bilan zarba berdi
Har payshanba jismoniy tarbiya va sport kuni sifatida belgilanadi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Metabolizm sekinlashganining belgilari
Turkiya o‘zining birinchi kvant kompyuterini taqdim etdi
